A Coordinadora Galega organiza o 23 de decembro unha charla con Nacho Martínez, da Plataforma 2015 y más. Martínez foi convidado a participar no plenario do Consello Galego de Cooperación Internacional (CONGACODE) a petición da Coordinadora para falar sobre coherencia de políticas. E aproveitando a súa presencia en Compostela, ese mesmo día organizamos unha charla-café dirixida ás ONGD e a calquera persoa que estea interesada en participar.

A charla centrarase nos cambios na axenda internacional do desenvolvemento e a crise da cooperación internacional, nun contexto de profundas transformacións políticas e sociais no noso entorno. Para iso, identificaranse algúns dos máis importantes desafíos que temos as organizacións sociais e os actores locais de cooperación: repolitización da axenda, coherencia de políticas para o desenvolvemento e novas narrativas, e maiorías sociais en torno á defensa do desenvolvemento e os dereitos humanos.

O encontro terá lugar o 23 de decembro, ás 17 horas, na casa do xantar Silveira (no andar de abaixo), na praza de Mazarelos de Compostela. Animádevos a participar!!!

Lugar: Casa do xantar Silveira

Organiza: Coordinadora Galega de ONGD